पुणे : शहरातील रेल्वे लाईन्सनजीक राहणाऱ्या नागरिकांच्या सुरक्षेचा आणि स्वच्छतेचा प्रश्न लक्षात घेऊन खासदार अनिल शिरोळे यांनी ३० डिसेंबरला महापालिका आयुक्त कुणाल कुमार आणि रेल्वेचे विभागीय व्यवस्थापक मिलिंद देऊसकर यांच्यासोबत एक बैठक घेऊन विस्तृत चर्चा केली.
‘एसआरए योजना राबवून या नागरिकांना घरे उपलब्ध करून देण्याविषयी सकारात्मक चर्चा झाली. या रेल्वेमार्गावरील स्वच्छतेसाठी निधी रेल्वे की मनपा यांनी खर्च करावा यासंबंधी देखील बैठकीत विचारविनिमय करण्यात आला,’ अशी माहिती खासदार शिरोळे यांनी बैठकीनंतर दिली. बैठकीस नगरसेवक सिद्धार्थ शिरोळे हे देखील उपस्थित होते.
